Byrjið á að sjóða hrísgrjónin.
Ýsan er roðrifin og sett í pott. Suðunni er náð upp og þá er ýsan tekin úr pottinum.
Setjið hrísgrjónin í eldfast mót og raðið ýsunni yfir. Skerið grænmetið og eplin og svissið á pönnu. Bætið rjómanum og sæta sinnepinu á pönnuna. Því næst er þessu bætt við í eldfasta mótið og að lokum er ostinum dreift yfir.
Bakað í 175°c heitum ofni í 12 mínútur. Gott er að bera fram með þessu hvítlauksbrauð og ferskt salat.
- 1200 g reykt ýsa
- 200 g hrísgrjón
- 2 stk rauð epli
- 1 stk laukur
- 1 stk rauð paprika
- 1 peli rjómi
- 3 msk sætt sinnep
- Gratín ostur
